ESET Smart Security 5 Antivirus මෘදුකාංගය

පරිගණක ආරක්ෂා කිරීමට ඇප කැප වන්නා වූ සමාගමක් වන ESET සමාගමෙහි මෘදුකාංගයන් අතරින් බොහොමයක් පහසුකම් සපයාදෙන මෘදුකාංගය Eset Smart Security ලෙස හදුන්වා දිය හැක. මෙය මුදලට අලෙවි කරන මෘදුකාංගයි. එක් පරිගණකයක් සදහා අවුරුද්ධක සේවා කාලයකට මෙය මිලදී ගන්නේනම් $60 පමණ මුදලක් ඔබට වැය කිරීමට සිදුවෙනවා. මෙයමගින් ඔබට ඉහල ආරක්ෂාවක් සපයා දෙන අතර, පරිගණකයේ වේගය අඩාල කිරීමක් සිදු නොවේ. ඒ නිසාවෙන් භාවිත කරන්නා හට පීඩා කාරී ස්වාභාවක් ඇති නොවේ. Eset Smart Security මෘදුකාංග හදුන්වා දිය හැක්කේ සර්ව සර්පූර්ණ ආරක්ෂණ මෘදුකාංගයක් ලෙසටය. මෙහි ට්‍රයල් මෘදුකාංගය අපට නොමිලේම Download කරගැනීමේ හැකියාව තිබෙනවා, මෙය Register Version එකක් බවට පත්කරගැනීමට Username එකක් සහ Password එකක් ලබාදිය යුතු වෙනවා. එහෙත් Username සහ Password සොයා ගැනීම තරමක් අපහසු වීමට පුළුවනි. ඒ නිසාවෙන් ඔයාලා හැමෝටම පරිගණක ලිපි වෙතින් මෙම Eset Smart Security මෘදුකාංග අවුරුදු ගනනකට භාවිත කිරීමට හැකි ආකාරයට Register කරගැනීමට පුළුවන.

Eset Smart Security 5 මෘදුකාංග මගින් අපිට සම්පූර්ණ ආරක්ෂාවක් සපයා දෙනු ලබයි. පරිගණක පද්ධතියට හානි පමුණුවන විනාශ කාරී වැඩසටහන් හදුනාගෙන ඒවා ඉවත් කර දැමීටම මෙය සමත්ය. මෙමගින් අපට පහත දැක්වෙන විනාශ කාරී වැඩසටහන් වලට ආදාලව ආරක්ෂාව සපයා දෙනු ලබයි. (Viruses, Worms, Trojan horses, Rootkits, Adware, Spyware, Potentially unsafe applications, Potentially unwanted applications, Denial of Service attacks (DoS), DNS Poisoning, Worm Attacks, port scanning, TCP desynchronization, SMB relay attacks, ICMP attacks, E-mail ads, Hoaxes, Phishing attacks, and Spam scams) මෙමගින් ඔබට සුපිරි ආරක්ෂාවක් ලැබෙන බවට ඉහත ආරක්ෂන විදි වලින් පැහැදිලි වන්නට ඇති. ඔබත් කැමැති නම් මෙය භාවිත කිරීමට පහතින් Trial Version එක Download කරගෙන, ඔබේ පරිගණකයට Install කරගන්න...

ඔබ විසින් ඉහතින් Download කරගන්නා ලද Eset Smart Security 5 ට්‍රයල් වර්ෂන් එක, පරිගණකයට Install කරගන්නට ඇති. එය Install කරගැනීමෙන් පසු Register Version එකක් බවට පත් කරගැනීටම අවශ්‍ය Username සහ Password සෑම දිනකම Update කරන Facebook Fan Page එකක් තිබෙනවා. ඒ හරහා ඔබට Username And Password ලබාගැනීමට පුළුවනි. පහතින් එයට පිවිසෙන්න.

ඉහත Page එකෙහි තිබෙන Username සහ Password බාවිත කර Eset Smart Security 5 Register කරගත් පසුව Maximum Protection එකක් ඔබට ලැබෙනු ඇත. පහත දැක්වෙන්නෙ, Activate කරගැනීමෙන් පසුව Eset Smart Security 5 හි රූප සටහනකි. 

Read More

Adobe Creative Suite 6 - නව පරපුරේ ඩිජිටල් නිර්මාණකරනයට

වර්ථමානය වන විට බොහෝ පිරිසක් ඩිජිටල් නිර්මාණකරනය සදහා ඩිජිටල් නිර්මාණකරුවන්ගේ සහය පැතීම අවම කරමින් තමන් විසින්ම තමන්ට අවශ්‍ය සංස්කරණය කරගැනීමට පෙලඹීම විශේෂයි. ඩිජිටල් සංස්කරණය සදහාම නිපදවා තිබෙන මෘදුකාංග රාශීයක් අපට හමුවන්නේ Adobe නාමයෙනි. මෙහිදී නිර්මාණ කරනයෙහි නියැලී සිටින බොහෝ පිරිසක් බලාපොරොත්තු ඌ ආකාරයෙන් පසුගියදා Adobe සමාගමේ නවතම ඩිජිටල් නිර්මාණකරන මෘදුකාංග කට්ටලය නිකුත් කර තිබෙනවා. ඒ Adobe Creative Suite 6 ලෙස නම්කර තිබෙනවා. මීට පෙර පැවතියේ Adobe Creative Suite CS 5 සහ CS 5.5 සංස්කරණ පැවතුනෙමි. එම සංස්කරනයන්ට සාපේක්ෂව පැහැදිලි වෙනස්කම් ඇති කරමින් ඩිජිටල් සංස්කරණය සදහා වැඩි දියුණු කිරීමේ රාශියක් සහිතව මෙම මෘදුකාංග කට්ටලට නිර්මාණය කර තිබෙනවා.

Adobe Photoshop, Illustrator, InDesign, Premiere Pro, Dreamviewer, Flash Pro, Audition වැනි මෘදුකාංග රාශියකින් සමන්විත මෙම මෘදුකාංග කට්ටලය, ඡායාරූප සංස්කරණය, ග්‍රැෆික් නිර්මාණකරනය, වෙබ් සංවර්ධණය හා බහුමාධ්‍ය සංස්කරණය සදහාම වැදගත් මෘදුකාංග රාශියක එකතුවකි. මෙය ලොව පුරා සිටින බොහොමයක් පරිගණක භාවිත කරන පිරිසක් භාවිත කරන මෘදුකාංග එකතුවකි. ඒ අතරින් Adobe Photoshop යනු, මෙම මෘදුකාංගයන් අතුරෙන් වැඩිම පිරිසක් භාවිත මෘදුකාංගයද ලෙස හදුන්වාදිය හැකිය. එදි නෙදා භාවිතයේදී අපට අවශ්‍ය වන ඡයාරූප සංස්කරණයන සදහා අවශ්‍ය දැනුම විවිද මූලාශ ඔස්සේ මෝ පාඨමාලා ඔස්සේ ලබාගැනීම සිදු කරනවා. එහෙත් නිර්මාණ කරනයට අත්දැගීම් සහ නිර්මාණාත්මක චින්තනය යන ද්ත්වයෙහිම අඩුපාඩුවක් නැතුව ඔබ සතු නම් ඔබ ඉතා දක්ශ ගනයේ නිර්මාණ කරුවෙකි. මෙම නව Adobe Creative Suite 6 නිකුත් කරනු ලැබුයේ Adobe Creative Suite CS 5.5 නිකුත් කිරීමෙන් වසර දෙදකට පමණ පසුවය.

මෙම Adobe Creative Suite 6 නිකුත් කිරීමේදී Adobe මෘදුකාංග එකතුවට අමතරව නව පහසුකමක් හදුන්වා දීම වීශේෂයි. එය නම් කර තිබෙන්නේ Adobe Cloud ලෙසටයි. එහෙත් මෙම සේවාව මෘදුකාංගය සේම අපිට නොමිලේ ලබාගත නොහැක්කකි. මෙම සේවාව ලබාගන්නේ නම් ඔබට Adobe සමාගමට ඇමරිකාණු ඩොලර් 75 ක මුදලක් ගෙවීමට සිදු වනවා. ඔය විසින් මුදල් ගෙවා මෙම සේවාව ලබාගන්නේ නම් ඔබට මෙමගින් 20GB ක ධාරිතාවයක් සමග Adobe Creative Suite හි Desktop සංස්කරණයට ඔබගේ පරිගණකයට Download කරගැනීමටද, Tablet ආදී ජංගම උපාංග සදහා සදහා විශේෂිත Adobe Touch මෘදුකාංග එකතුව සේම ඔබේ Adobe ලිපි ගොණු වෙන පහසුවෙන් පිවිසීමේ හැකියාවද මේ හරහා ඔබට ලබාදෙනවා. ඒ වමේ ඔබ භාවිත කරන Google Chrome, Firefox, Opera, Safari ආදී ඔනෑම වෙබ් පරික්ශනයකින් Creative Cloud වෙත පිවිසීමේ හැකියාවද විශේෂ පහසුකමකි.

මෙම වසරේ එලිදැක්වනු ලැබූ Adobe Creative Suite CS 6 හි තිබෙන ප්‍රධාන වෙනස්කමක් වන්නේ මෙම මෙම මෘදුකාංග එකතුවෙහි අතුරු මුහුණත් වන සිදු කර තිබෙන වෙනස්කමයි. මෙහිදී ඒවායෙහි අදුරු පැහැයට හුරු Team එකක් යොදාගෙන තිබෙනවා. පෙර පැවති සංස්කරණ වලට සාපේක්ෂව Tools සහ Dialog Box භාවිතයට පහසු ආකාරයෙන් සකස්කර තිබෙනවා. මෙහි ඇතුලත් කර තිබෙන Illustrator මෘදුකාංගය සම්පූර්ණයෙන්ම පාහේ නිර්මාණය කරමින් 64bit සදහා සහය දක්වන ආකාරයෙන් නිර්මාණය කර තිබේ. Adobe Photoshop මෘදුකාංගය GPU Acceleration සදහා වඩාත් හොදින් සහය දක්වන ආකාරයෙන්ද නිර්මාණය කර තිබීම වඩා විශේෂයි.

මෙම Adobe Creative Suite CS 6 නිකුත් කිරීමේදී Adobe මෘදුකාංග එකතුවෙහි අලුත් මෘදුකාංගයක් ඔබට හදුන්වා දී තිබෙනවා. එය නම් කර තිබෙන්නේ Adobe Edge මෘදුකාංගය ලෙසටයි. මෙම මෘදුකාංගය Adobe Flash වෙනුවට භාවිත කර හැකි HTML 5 පාධක කරගත් වෙබ් සංවර්ධක මෘදුකාංගයකි. එහෙත් මෙම මෘදුකාංගයද භාවිත කර හැක්කේ ඇමරිකාණු ඩොලර් 75 කට ලබාගත් Adobe Cloud සාමාජිකයෙකුට පමණි. මීට පෙර Adobe Flash භාවිත කරමින් සිදු කරණු ලැබූ කාර්යයන් සදහා HTML5 සයාහ ලබාදීම සදහා Adobe සමාගම මෙම මෘදුකාංග නිෂ්පාධනය කරමින් කටයුතු සම්පාධනය කර තිබේ.

Adobe Creative Suite CS 6  Download කර අත්හදා බැලීමට ඔබත් කැමැත්තෙන් ඇති, දැනට භෘවිත  කරන පැරණි සංස්කරණයට සමු දෙමින් වන සංස්කරණය Download කරගැනීමට ඔබත් කැමති නම් පහතින් Download කරගන්න.

මෙම Adobe Creative Suite CS 6 හි පවතින මෘදුකාංග පෙළ හා, ඒ හා සම්බන්ධ ක්‍රියාකාරකම් ඉගෙනීම සදහා අප සහෝදර අඩවිය වෙත පිවිසෙන්න. Adobe Creative Sute පිලිබදව සරළ සිංහලෙන් ඉගෙන ගැනීමට ඉහත බ්ලොග් අඩවියෙන් අවස්ථාවක් හිමිවේ. මෙවන් අලුත් තොරතුරු ඔබ වෙත ගෙන එනු බලන්නෙ පරිගණක ලිපි ඔස්සේ පමණි.

Read More

Micro Chip පැටිකිරිය, නිෂ්පාධනය, නිෂ්පාධනාගාර සියල්ල සැකෙවින්

වර්ථමාන ලෝකයෙහි බහුලව භාවිත කරන මයික්‍රො චිප්  ගැන ඔබට දැනගතයුතිමයි. මේ ගැන ඔබ නොදන්නවා ඇති. අමරිකාවේ බෙල් ලැබ්ස් Bell Labs ආයතනය විසින් විලියම් ෂොක්ලි, ජෝන් ජාඩීන් සහ වෝල්ටර් බ්‍රැටන් මූලිකත්වයෙන් 1947 දෙසැම්බර් මස 16 වැනි දින ට්‍රාන්සිස්ටරය සෙයාගැනිණි. මේ සමගින් මීට පෙර පැවති රික්තන නල හෙවත් වැකුයුම් ටිටුබ් වෙනුවට ට්රාන්සිස්ටර් ආදේෂ කෙරුණි. රික්තන නලයක් ක්‍රියාකාරීත්වය සදහා විශාල විදුලියන් අවශ්‍ය වෙනවා. ඒ වගේම මෙය ප්‍රමාණයෙන් විශාලය. මෙම වැකියුම් ටියුබ් වෙනුවට ට්රාන්සිස්ටර් ආදේෂවිමත් සමගම අතේ ගෙන යා හැකි රේඩියෝව. ජංගම දුරකථනය ලෝකයට දායාද වුණි.  මෙය සොයා ගැනීම නිසා එවකට Bell Labs හි සේවය කල විද්‍යඥයින් තිදෙනාට 1956 දී භෞතික විද්‍යාව සදහා වූ නෙබොල් ත්‍යාගය ලැබුණි.

වෑල් තිබු පරිගණක පලමු පරම්පරාවේ පරිගණක විය.  දෙනව පරම්පරාවේ පරිගණක තුල ට්‍රාන්සිස්ටර් භාවිතයට ගැණිනි. මෙම ට්‍රාන්සිස්ටර් තෙනව පරම්පරාවේ පරිගණක සදහා ගැලපෙන අයුරින් සකස් කර ගැනුනේ ජැක් කිල්බි සහ රොබට් නොයින් යන දෙපල විසිනි.

අමරිකාවේ ටෙක්සාස් ඉන්ස්ට්රුමන්ට්ස් Texas Instrument හි ජැක් කිල්බි වැඩ කල අතර රොබට් නොයිස් ෆෙයා චයිල්ඩ් සෙමිකන්ඩක්ටර් (Fairchild Semiconductor) ආයතනයෙහි වැඩ කලේය. මේ දෙදෙනාගෙ එකිනෙකට සම්බන්ධයක් නොමැතිව තනි තනිව සොයා ගත්තේ : කලින් වෙන් වෙන් උපාංග ලෙස පරිපත පුවරුවලට අමිණූ ට්රාන්සිස්ටර්, රෙසිස්ටර්, කැපැසිටර් සහ ඒවා සම්බන්ධ කෙරෙන වයර් යනදී සියල්ල තනි අර්ධ සන්නායක (Semiconductor) කැබැල්ලක හෙවත් චිපයක Chip ප්‍රතිනිර්මාණය පුළුවන් බවය.

ගැක් කිලිබි විසින් මේ සදහා අර්ධ සංනායක ලෙස තෝරාගත්තේ ජර්මේනියම්ය. ඔහු එය යොදාගෙන අතේ ගෙන යා හැකි කැල්කියුලේටර් එක ලෝකයට නිර්මාණය කර දුන්නේය. එසේම 1962 දී අමරිකාවේ ගුවන් හමුදා පරිගණක වලට මේ චිප් යෙදූ අතර මිනිට්මන්ට් මිසයිලය (Minuteman Missile) තැනුවේද මෙම් චිප් යොදාගෙනය. මේ වැඩ නිසා ඔහුටද වසර 2000 දී භෞතික විද්‍යාව වෙනුවෙන් නොබෙල් තෑග්ග ලැබුනේය.

අර්ධ සංනායක වශයෙන් සිලිකන් තෝරාගත් රොබට් නොයිස් විසිනි. මේ ක්‍රමයෙන් සාලා ලොව ප්‍රථම වතාවට 1961 දී අනුකලිත පරිපතයක් හෙවත් අයි.සී එකක්  (IC - Intergrated Circuit) වෙළද පොලට එවනු ලැබුයේ ෆෙයාවයිල්ඩ් සෙමිකන්ටක්ටර් සමාගමයි. එක් ට්‍රාන්සිස්ටරයක් රෙසිස්ටර් තුනක් සහ කැපැසිටරයක් සිහිත මෙය සැළැගිලි පුරුකක් තරම් කුඩා එකක් වුණි.

තනි ට්‍රාන්සිස්ටර් පරිපතයක් වුවත් අර්ධ සන්නායක කැබැල්ලක තනා තිබේනම් එය චිපයකි. එහෙත් මෙසේ කුඩා අර්ධ සන්නායක කැබැල්ලක සකසන පරිපත ගණන වේගයෙන් වැඩි වුණේය. 1961 දී ඇගුලි පුරුකක් තරම් කුඩා අර්ධ සන්නායක කැබැල්ලක එක් ට්රාන්සිස්ටර් පරිපථයක් සැකසූ වත් අද එවැනි ඉඩක ට්රාන්සිස්ටර් පරිපත කෝටි ගණනක් සකස්සට පුළුවන.

මෙසේ ට්‍රාන්සිස්ටර් ගණනාවක් ඇති චිපයක් හදුන්වන්නේ මයික්‍රොචිපයක් ලෙසටය. මයික්‍රෝචිප් ඇති පරිගණක හතර වන පරම්පරාවේ පරිගණක වේ. තුන්වැනි පරම්පරාවෙන් හතරවන පරම්පරාවට පරිගණක කැදවා ගෙන ආයේ ඉන්ටෙල් සමාගම විසිනි. ඒ 1971 දී ලොව ප්‍රථම මයික්‍රොචිපය වන ඉන්ටෙල් 4004 වෙලදපොලට එවමිනි. එහි ට්‍රාන්සිස්ටර් පරිපත 2300 ක් තිබුණි.

1968 දී ඉන්ටෙල් සමාගම බිහිවූයේ, ලොව ප්‍රථම චිපය වෙලඳපොලට එවූ ෆෙයාවයිල්ඩ් සමාගමේ රොබට් නොයිස්, ගොඩන් මූවර්, සහ ඇන්ඩි ග්රෝ යන තිදෙනාගෙ එකතුවෙනි.

ලෝකයේ මයික්‍රෝචිප් දියුණු වෙන වේගය ගැන එදා උපකල්පනය කළ ගෝඩන් මූවර් 1965 අප්‍රේල් 19 දා අමරිකාවේ පළවන "ඉලොක්ට්‍රොනික්ස් මැගසින් (Electronic Magazine)" සඟරාවේ ලිපියක් පලියන් ලිවීය. එමගින් ඔහු පෙන්වා දුන්නේ චිපයකට අඩුංගු කල හැකි ට්‍රරාන්සිස්ටර් ගණන හැම අවුරුදු දෙකකටම වරක් දෙගුණ වන්ණේය කියාය.

මේ කියමව අද වන විට පරම සථ්‍යයක් බවට පත්ව තිබේ. ගෝඩන් මූවර්ගේ මේ අදහස අද සැලකෙන්නේ "මුවර්ගේ නීතිය (Moor's Law) කියාය.

ට්‍රාන්සිස්ටරය සොයා ගෙන හැට තුන් වසරක් ගෙවී ගිය යන වේලාවෙහි මීට වසර හතලිස් තුනකට කලින් මයික්‍රොචිප්වල අනාගතය විනිවිද දුටු අද 77 වැයි වියේ සිටින ගෝඩන් මූවර් ජනමාධ්යන්ට කතා කොට තිබුණේය.

"ඉන්ටෙල් සමාගම" පටන් ගන්නා කාලේ - මීට අවුරුදු හතලින් තුනකට විතර කලින් - අර්ධ සන්නායක වලට සම්බන්ධ මුළු ලෝක වෙලදාම ඩෝලර් කෝටි සියයක් වුණේ නැහැ. අද අය ඩොලර් කෝටි තිස්දාහකට වැඩියි. ගෝඩන් මූවර් කතාව ආරම්භ කොට තිබුනේ වෙළෙදාම ගැන කියමිනි

"ඒ කාලයේ  මිලිටරි කොම්පියුටර් තිබුණා මිසක්, පීසී කියලා දෙයක් අහන්නවත් තිබුනෙ නැහැ. එහෙත් මං ඒ කාලේ දැන සිටියා කොහොමටත් පරිගණක මහජනයා අතට යන වග. මං ඒ කාලේ ලියපු ලිපි ආයෙත් කියවන කොට මට හරි පුදුමයි. ඒ වගේ ම ආඩම්බරයි. දෙවියනේ ! අද තියෙන හැම දෙයක්ම මං ඒ කාලේ දැකලා තියෙනවනේ" බීබීසී (BBC) පුවත් සේවයට කතා කරමින් ගෝඩන් මූවර් කියා තිබුණි.

"තමන්ගේ මේ දුරකත්නා ඇද පහළවූයේ තමන්ගේ සිත තුල බව හේ කියයි" අර්ධ සන්නායකවල ගති-ගුණ ගැන මං කල්පනා කළා. ඒ කාලේය පටන් මං දුටු දේ තමයි අර්ථ සන්නායක තුළ නිර්මාණය කරන පරිපත කුඩා වෙන්නට වෙන්නට ට්‍රාන්සිස්ටර් වේගවත් වෙන බව. ඒ නිසා චිප් ගණන වේඟයෙන් වැඩි වෙනවා. තනි චිපයක් ගුළ අඩංගු  කළ හැකි ට්‍රාන්සිස්ටර් ගණන වැඩි කරන්න පුළුවන් වුණේ ඒ නිසයි"

දැන් ලෝයේ කුඩාම ඉඩක වැඩිම ට්‍රාන්සිස්ටර් ගණනක් අඩංගු චිපය තනා තිබෙන්නේ ගෝඩන් මූවර් විසින් එදා බිහිකල ඉන්ටෙල් සමාගමය. පෙන්රින් යන කේත නාමයෙන් හදුන්වන මේ මයික්‍රොචිප පරිපත කෝතරම් සියුම්දයත් එහි ඇල්පෙනෙත්ති තුඩක් තරම් වන සිලිකන් කැබැල්ලක් තුළ ට්‍රාන්සින්ටර් කෝලි තුනක් සකසා තිබේ.

කොම්පියුටරයක තිබෙන ඉලොක්ට්‍රොනික මොලය ලෙස හදුන්වන්නේ චිපය හෙවත් මයික්‍රොප්‍රොසෙසරයයි. චිපයක් සැදීමේදී කරන්නේ හැකි තරම් කුඩා ඉඩක වැඩිපුර ට්‍රාන්සිස්ටර් පරිපථ සංඛ්‍යාවක් නිර්මාණය කිරීමටය. එය හරියට අකුරු කුඩා කරමින් කඩදාසියක චවන ලියනවා වැනිය.

කුඩා අකුරු මුද්‍රණය කිරීමේ තාක්ෂණය දියුණු කරන්නට, එකම තරමේ කඩදාසි කැබැල්ලක වැඩියෙන් වචන මුද්‍රණය කළ හැකිවාක් මෙන් චිපයක ට්‍රාන්සිස්ටර් පරිපථ සීරීමේ ‍උපක්‍රමයද සියුම් වෙන්නට වඩා ප්‍රබල චිප නිර්මාණය කිරීමේ පුළුවන් කල බැබේ.

ට්‍රාන්සිස්ටර් යනු චිපයක ඇති මූලික ඉලොක්ට්‍රොනික ස්විචයයි. හැම මයික්‍රොචිපයක්ම තැනී තිබෙන්නේ මෙවැනි චිප ගණනාවකිනි. එනිසා ට්‍රාන්සිස්ටර් ගණන වැඩි වෙන්නට, වැඩි වෙන්නට මයික්‍රොචිපයේ කාර්යක්ෂමතාවය වැඩි වේ.

මයික්‍රොචිපයක් සාදාන්නට විශේෂයෙන් සකස් කළ සිලිකන් පතුරු මතුපිට, මෙම සිලිකන් පතුරු මතුපිට මෙම ට්‍රාන්සිස්ටර් පරිපථ සීරීමේදී මතු වෙන ලොකුම බාධාව වන්නේ පරිපථ තවදුරටත් කුලා කළ නොහැකි වෙලාවක් එළැබීමයි. පසුගිය අවුරුදු දහයක කාලය පුරාම මයික්‍රොචිප තනන්නෝ මේ බාධකයේ සිර වී සිටියහ. එනමු ඔහුනට තැනිය හැකි වූයේ නැනෝමීටර් 65 ක පළලක් ඇති ට්‍රාන්සිස්ටර් පරිපථ පමණි. (නැනෝ මීටරයක් යනු සෙන්ටි මීටරයක් යනු සෙන්ටි මීටරයෙන් කෝටියෙන් පංගුවකි) පරිපත ඊට වඩා කුඩා කළවිට එවා ඇත විදුලි කාන්දු වී, මයික්‍රොචිප් ආක්ර්යක්ෂම වේ එනිසා පසුකිය දශකයක කාලය තින්සේම මයික්‍රොචිප්වල කාර්යක්ෂමතාව දියුනු වූයේ වෙනත් තාක්ෂණික උපක්‍රම වලින් මිස පරිපත කුඩා කිරීමකින් නොවේ.

එහෙත් ඉන්ටෙල් සමාගම ට්‍රාන්සිස්ටර් පරිපථවල පළල අඩුකිරීමේ තාක්ෂණය සොයා ගෙන හමාරය. ඔවුන් කියන්නේ නැනෝමීටර් 45 ක් පළල ට්‍රාන්සිස්ටර් යොතා තනන මයික්‍රොචිප නම් කොට ඇත්තේ පෙන්රින් (Penryn) යන කේත නාමයෙනි. තැපැල් මුද්දරයකින් භාගයක් තුරම් කුලා පෙන්රින් චිපයක් කුල ට්‍රාන්සිස්ටර් කෝටි හතලිහක් අසුරා තිබේ.

පරිගණක වේගවත් කරන්නට එහි චිපයක් වෙනුවට චිප් කිහිපයක් තබා ප්‍රොසෙසර් සැකීම අතින්ද ඉදිරියේ සිටින්නේ ඉන්ටෙල් සමාගමයි. ප්‍රොසෙසරයක මෙවැනි චිප් එකකට වඩා ඇති විට ඒවා මලිටි-කෝර් ප්‍රොසෙසෙරය.

ප්‍රොසෙසරයක චිප් දෙකක් ඇති විට ඒවා ඩුවල්කෝර් ප්‍රොසෙසර්ය. චිප් හතරක් ඇති විට ඒවා ක්වාඩ් කෝර් ප්‍රොසෙසර කියා හදුන්වයි.

එයිට් කොර් ප්‍රොසෙසරය තනා ඇත්තේ චිප් 80ක් එකිනෙකට ලඟින්-ලඟින් ඇසිරීමේනි. එනම් කොයස් 8 x 10 ඒකකයත් තැනෙන සේ චිප් "ටයිල්" කිරීමෙනි. මෙහි ඇති අසූවෙන් හැම එකක්ම දත්ත සැකසීමේ උපදෙස් සහිත ගණන ඒකකයක් (Compute Element) හා එක් චිපය අතර තොරතුරු හුවමාරු සම්බන්ධය ලබා දෙමින් ඒවා මතකයට ප්‍රෙව්ශ කරවීමට (Access to Memory) රවුටරයක් (Router) තිබේ.

වර්ග මිලිමීයර් 275 ක් වල මේ එක් චිප් කැබැල්ලක ට්‍රාන්සිස්ටර් පරිපථ කෝටි දහයක් තිබේ. ඒ අනුව මුළු එයිට් කෝර් චිපයකම ගන් විට එහි ට්‍රාන්සිස්ටර් පරිපත කෝටි අටසීයක් තිබේ.

කුඩා ඉඩක් මත වැටියෙන් මයික්‍රො පරිපත නිර්මාණය කරන්නට යන විට ඒ පරිපථයේ සීරුම් පථ කුඩා විය යුතුය. පෙන්රින්වල මේ පථය නැනෝමීටර් 45 කි. එහෙත් මීටත් කුඩා පථයක් තනන්නට අයි.බී.එම් (IBM) පර්යේෂකයෝ සමත්ව සිටිති.

කැලිෆෝනියාවේ සැන් ජෝස් නුවර පිහිටුවා තිබෙන අයි.බී.එම් අල්මඩන් පර්යේෂණ මධ්‍යස්ථානයේ පර්යේෂකයින් යෙසා ගෙන තිබෙන මේ ක්‍රමයෙන් නැනෝමීටර් 29.9 කු පළල ලැති විද්‍යුත් පරිපත අදින්නට පුළුවන.

මයික්‍රොචිප් නිර්මාණය කිරීමට යොදා ගන්නා පරිපත සීරීමේ සාමාන්‍ය ක්‍රමය හදුන්වන්නේ පාරජම්බුල ප්‍රකාශ ලිතෝග්‍රැෆි ක්‍රමය (Deep Ultraviolet Lithography) වශයෙනි. අවුරුත් යොදා ගන්නා මේ ක්‍රමය දියුණු කොල අයි.බී.එම් පර්යේෂකයෝ කුඩා නමුත් මෙතාක් ලෝයා නිර්මාණය කළ බලසම්පන්නම මයික්‍රොචිපය නිර්මාණය කොට සිටිති.

අයි.බී.එම් සමාගම මෙසේ සිය චිප් වෙළදාම දියුණු කිරීමට වෙනමම ව්‍යාපෘතියක් දියත් කොට තිබේ. ඊළඟ පරම්පරාවට ගැලපෙන කුඩා උපාංගවල බල සම්පන්න බව වැඩි කරන්නට ඕනෑ කරන චිප් නිර්මාණය කිරීමේ මේ ව්‍යාපෘතිය නම් කොට තිබෙන්නේ ක්වේසාර් (QUASAR) කියාය.

මේ ආකාරයට විවිධ තාක්ෂණික උපක්‍රම යොදා ගෙන චිපයක සැකසිය හැකි පරිපත කුඩා කර ගෙය යාමේදී එය තවදුරටත් කරන්නට බැරි වේලාවක් එලඹෙයි. ඒ මෙම පථ පරමාණුක මට්ටම් පැමැණි විටය. දැන් මෙතැනදී මූවර්ගේ නීතියේ වලංගුකම නැතිය යන්නේ ද? තමන්ගේ "නීතිය" තවදුරටත් ක්‍රියාත්මක කරන්න බැරි නම් ඉම මෙතැනයි කියා ඒ නීතිය ඉදිරිපත් කල කෝඩන් මූවර් දනීද? ඒ දින වකවුනා ගැන මූවර්ගෙන් ඇසූ විට ඔහුගේ උත්තරය වී තිබුනේ "මට ඒ ගැන හිතාගන්නට බැහැ" යන්නයි.

අර්ධ සන්නායක ත්‍රව්‍ය මත ට්‍රාන්සිස්ටර් පරිපත සැකසීම පරමාණුක මට්ටමට ආ විට දැන් තිබෙන ක්‍රමය වෙනස් කොට වෙනස්ම තාලයකට පරිගණක පරිපත සාදන්නට පුළුවන්ය කිරා අයි.බී.එම් සමාගමේ පර්යේෂකයින් පිරිසක් විසින් පෙන්වාදී තිබේ. මහාචාර්ය ජෝර්ජ් ඇපෙන්සෙලයර් ඇතුළු පර්යේෂකයින් "සයන්ස්" (Science) නම් ජාත්‍යන්තර විද්‍යා සඟරාවට ඉදිරිපත් කළ පර්යේෂණ ලිපියකින් පෙන්වා දී තිබුනේ තැනි කාබන්  නැනෝ ටියුපයක් මත පරිගණක පද්ධතියක් තනන්නට පුළුවන් බවය. එය සාමාන්‍ය කෙන් ගසකින් පහෙන් එකක් තරම් කුඩා වන අතර දැකිය හැක්කේ ඉලෙක්ට්‍රොන අන්වීක්ෂයකින් පමණි.

මේ පරිපථය තුළ ට්‍රාස්සිස්ටර් 12 ක් තිබෙන අතර "මුදු දෝල - නේක්ෂය" (Ring Oscillator) කියා නැනෝ තාක්ෂණයේදී හදුන්වන කාබන් පරමුණු සමූහය කුල රදවා තිබේ. මෙවැනි කාබන් පරමාණු සමූහයක් යනු එම පරමාණු තට්ටුවක් මත තනා තිබෙන නලයක් හෙවත් නැනෝ ටියුබයකි.

නැනෝ ටියුබ් මත පරිගණක පරිපථ ඇසිරීමේ ක්‍රමය නිසා කුඩා ඉඩක් තුල රැදවිය හැකි ට්‍රාන්සිස්ටර් පරිපථ ගණන තන තවත් වැඩි කරන්නට පුළුවන. මෙයින් කියවෙන්නේ කුමක්ද? පරමාණුක මට්ටමේදීත් මුවර්ගේ කීතියට තියෙව තිත තැබෙන තවත් තැනක් සොයා ගන්නට සැහෙන කාලයක් යන බවයි. දැන් පර්යේෂකයින් කියන්නේ අවුරුදු හතලිස් තුන පුරාවට මූවර්ගේ නීතිය අනුව හැම අවුරුදු දෙකකටම වරක් චිපයක රැදවිය හැකි ට්‍රාන්සිස්ටර් ගණන දෙගුණ වූවාක් සේ ඉදිරි අවුරුදු හතලිහේදීත් මූවර්ගේ නීතිය ජීවමානව පවතින බවයි.

========================================================================

මයික්‍රොචිප් සාදන හැටි

මයික්‍රොචිප් සෑදීමට යෙදා ගන්නේ මුහුදු වැලිය. මුහුදුවැලි උණු කොට 99.9999% ක්ම සිලිකන් තිබෙන තරම් ඒවා පිරිසිදු කරයිත දැන් මින් විවිධ විෂ්කම්භ ඇති සිලිකන් දඬු සාදන අතර ඉන්ගොට් (Ingot) කියා හ්වා හදුන්වයි.

දැන් මේ ඉන්ගොට් කැබැල්ලෙන් අඟලෙන් 1/30 ක් තරම් තුනී තීරු කපා ගන්නා අතර හ්වා මුහුණ පෙනන තරමට ඔපදැමනු ලබයි. මෙවැනි සිලිකන් තහඩුවක් හදුන්වන්නේ මදිත ලද වේෆරයක් (Polished Wafer) කියාය.

දැන් මේ වේෆරය මත විදුලිය ගමන් නොකරන වර්ගයේ සිලිකන් ඩයොක්සයිඩ් (SiO2) තට්ටුවක් අලේප කරයි. ඉන්පසු මේ තට්ටුව මත අලෝකයට සංවේදී රසායන ද්‍රව්‍යක් (Photoresist) ආලේප කරයි.

දැන් මේ ආලේපය මතට පරජම්බුල කිරණ ධාරාවක් එවනු ලබයිත මේ ආලෝක ධාරාව එවනු ලබන්නේ මයික්‍රොචිප් පරිපථයේ විවිධ කොටස් වලට අනුරූප වන සේ සකස් කළ ස්ටෙන්සිල් එකක් වැනි සැකැස්ම හරහාය. මෙය මාස්ක් (Mask) එකක් ලෙස හදුන්වයි.

සිලිකන් තීරුව මතුපිට අලේප කරන ලද ආලෝකයට සංවේදී රසායන ද්‍රව්‍ය සමඟ පාරජම්බුල කිරණ ගැටුණු විට ඒ ප්‍රෙද්ශ ඝණ වී යයි. දැන් මේ වේෆරය මතට වේගවත් වේගවත් වායු ධාරාවක් එවූ විට, ඝණ වූ ආලෝක සංවේදී රසායන ද්‍රව්‍ය කොටස් ඉතිරි වෙමින් අනෙක් ඒවා ඉවත් වෙයි. මේ කටයුතු සම්පූර්ණ වීමත් සමඟ වේෆරය මත නැනෝමීටර්වලින් මිනුම් කළ යුතු තරම් කුඩා පරිපථයක් සැකසී තිබේ.

මේ පරිපථය තවදුරටත් දියුණු කරන්නට නම් එයට තවත් පරිපථ එක් කළ යුතුය. සිලිකන් යනු අර්ධ සන්නායකයක් නිසා එය ඇතැම් තත්ව යටතේ විදුලිය ගමන් කිරීමට ඉඩ දෙන අතර ඇතැම් තත්ව යටතේ විදුලි ගමනය බාධා කරයි. ඉදින් මෙසේ විදුලිය ගමන් කරන හා නොකරන තැන් රටාවක් අනුව සකස් කළ විට එතැන තැනී ඇත්තේ විදුලි පරිපථයකි. විශේෂයෙන්ම සිලිකන් නොවන නොයෙක් සේ එක් කිරීමෙන් මෙය කළ හැක. එය හදුන්වන්නේ මාත්‍රා කිරීම හෙවත් ඩ්‍රොපිං (Doping) කියාය.

එසේම මේ පරිපථයේ සමහර තැන් ඔසොවා සකස් කළ යුතුයත එය හදුන්වන්නේ ඔත් කිරීම හෙවත් ඩිපොසිෂන් (Deposition) කියාය. ඒ සමගම පරිපථයේ යම් යම් තැන් සීරිය (Etching) යුතුය. මේ සියල්ල කරන්නේ නැවත නැවත විවිධ ක්‍රමයට වාර සිය ගණනක් මාස්ක් කිරීමෙනි.

මේ සියල්ලෙන් පසුව වේෆරය අලුමිනියම් තට්ටුවකින් ආවරණය කරයි. දැන් චිපය මත සැකසූ පරිපථ එකිනෙකට සම්බන්ධ වෙමින් විදුලිය ගමන් කළ හැකි සේ සැකිසිය යුතුයි. ඒ සදහා අවශ්‍ය අලුමිනීයම් හැර අනෙක් සියල්ල දැන් ඉවත් කෙරේ.

අවසාන වශයෙන් කරන්නේ වේෆරය තත්ව පරික්ෂාවට ලක් කිරීමයි. එසේම මුද්දරයක් තරම් වන එක් එක් චිපය ලැබෙන සේ විශේෂ යන්ත්‍රයක් මඟින් එය කොටස්වලට වෙන් කරයි. හොද චිප් පරිපතපුවරුවලට සම්බන්ධ කෙරෙන අතර අනෙක් හ්වා ඉවත දමයි.

========================================================================

මයික්‍රොචිප් නිෂ්පාදනාගාරයක වැඩ නටයුතු කෙරෙන හැටි

ලෝකයේ දැනට තියෙන ඉතාම පිරිසිදු ස්ථාන වන්නේ ෆැබ් (Fab) කියා හදන්වන මයික්‍රොචිප් නිෂ්පාධනාගාරයි. මේ නිෂ්පාදනාගාරයක ඝන මීටරයක් තුළ ඉතා කුඩා අංශු  20000 ක් පමණ තිබේ.

ෆැබ් එකක් තනා තිබෙන්නේ සුදු පාට බිත්ති, වාතයට ගමන් කළ නොහැකි අඟුළු, දූවිලි හෝ ක්ෂුතු ජීවීන් වැනි ආගන්තුක දුව්‍ය සම්පූර්ණයෙන්ම වාගේ ඉවත් කල යාතයෙන් හා උපකරණවලිනි.

චිප් නිෂ්පාධනාගාරයක මිනිසුන් අතින් කෙරෙන වැඩ කොටස ඉතා අල්පය. ඒ වෙත යන්නන් තමන් ඇඳ, පැළඳ සිටින කණකර ඇතුළු සියලු දේ කාමර කීපයක් පසුකර යමින් ඉවත් කළ යුතුයි. එසේම ඒ ගමනේදී විටින් විට අත්මේස්, මුහුණු ආවරණ හා ලෝගුවක් පළදා ගත යුතුය. ඒ කටයුතු අතරතුර සිරුරෙහි එක ගැලවුණු ලෝ කැබැල්ලක් වත් නොතිබෙන කරමට වැකුම් හෙවත් රික්ත කෙරේ.

මෙතරම් දූවිලි හා වෙනත් අංශුවලින් තොර කලාපයක් තුළ මයික්‍රොචිප් සාදන්නේ, එක් ධූලි අංශුවකින් පවා චිපයේ පරිපත සහමුලින්ම විනාශ වී යන්නට පුළුවන් නිසාය.

මයික්‍රොචිප් සාදන විට එහි වැදගත් වැඩ කොටස කරන්නේ පාරජම්බුල කිරණ මගින් නිසා ඒ කිරණ නිකුත් වල විට බාධාවක් නොවෙන්නට කහපාට ආලෝකය පමණක් ෆැබ් එකක් තුළදී යොදා ගැනේ.

ඉන්ගොට් කියා හදුන්වන සිලිකන් දඬු මේ කර්මාන්ත ශාලා වෙත සපයන විශේෂඥ සමාගම් තිබේ. බොහෝ විට මේ දඬුවලින් සිලිකන් පතුරු කපා ඔපදමා දෙන්නේද මේ සමාගම් අයයිත ඩොලර් සියයක් - හමාරක් වටිනා මේ ලිසිකන් පතුරක්, ෆැක් එකක් තුල තිබෙන චිප් සාදන රොබෝ යන්ත්‍ර සමූහයේ එක් කෙලවරකින් ඇතුළු කළ විට සතියකට දෙකකට පසු අනෙක් කෙළවරින් එළියට එන්නේ ඩොලර් දස දහස් ගණනක් වටිනා, ට්‍රාන්සිස්ටර් පරිපථ කෝටි සිය ගණනක් ඇති, සිලිකන් පතුරකි.

නිකම්ම නිකන් වැලිවලට ඩොලර් මිලියන ගණනක වටිනාකමක් එක් කරන ෆැබ් එකක් සෑදීමටත් ඩොලර් මිලියන ගණනක් වැය වේ. එය නඩත්තු කිරීමට ගතවන මුදලත් එසේමය. මේ නිසා ෆැබ් එකක් ආරම්භ කළ දා පටන් එය නොනැවතී වැඩ කරයි. ඒ වැඩවල ප්‍රතිඵලය සාමාන්‍යෙයන් මාසෙකට චිප් පරිපත සහිත වේෆර් ලක්ෂයකට වැඩිය. මයික්‍රොචිප් කෝටියකට වැඩිය.

Read More

දෘඩ තැටිය (Hard Disk) සොයාගැනීම සහ එහි ක්‍රියාවලිය

මිනිසාගේ කැපවීම සහ උත්සාහය නිසාවෙන් ලෝකයට නව තාක්ෂණය එකතු වන්නේ වඩාත් සීග්‍රයෙනි. එහෙත් ඔබ අප කවුරුත් හදුනන දෘඩ තැටියෙහි (Hard Disk) තොරතුරු ඔබ අදටත් නොදැන සීටම පුළුවන. එහෙත් මෙය භාවිතය ඔබේ ජීවිතයේ කෙතරම්ද? සිතා බලන්න. දිනකට ඔබ කොතරම් අවස්ථා සංඛ්‍යාවත් දෘඩ තිටියෙහි තොරතුරු, ගබඩා කරනවාද, මකා දමනවාද...මෙහි භාවිතය ලෝකයේ කොතරම්ද? පරිගණකයත් තුල තිබෙන මූලික මෙවලමක් වන දෘඩ තැටිය ඔබට කොතරම් වැදගත් උවත්..මේතාක් කාලයත් ඔබ නොදැන සීටිමට ඇති. මෙය සොයාගත්තෙ කවුරුන්ද, අතීතරයේ විස්ථර සහ මෙහි සිදු වන ක්‍රියාවලිය. මේ නිසාවෙන් බ්ලොග් එකට යන යාළුවො වෙනුවෙන් මේ විදියෙ පොස්ට් එකක් ලියන්න හිතුනා...හ්ම් හැමෝටම වැදගත් වේවි කියලා විශ්වාස කරනවා... 

වර්ථමානයේ නැතුව බැරි මෙවලමක් වන දෘඩ තැටිය ලෝකයට දායාද කරනු ලැබුයේ විද්වතුන් දෙදෙනෙක් විසිනි. ප්‍රංශයේ ඇල්බට් ෆර්ට් සහ ජර්මනියේ පීටර් ග්රුවර්න්බර්ග් දෙදෙනා දෙදෙනා විසිනි. මේ නිසාවෙන් 2007 වසරේදී භෞතික විද්‍යා සදහා වන නොබෙල් ත්‍යාගය හිමි කර ගැනීමටද මොවුන් දෙදෙනා සමත් විය. මෙම විද්‍යාඥයින් දෙදෙනා විසින් තනි තනිව සොයාගනු ලැබුයේ ඉතා කුඩා කාන්දම් වෙනසක් (අවම චුම්බක විචලනයක්) මගින් වඩා වැඩි විදුලි ධාරා වෙනසක් (සැබවින්ම විද්‍යුත් සන්නායකතාවේ විශාල විචලනයක්) ඇති කල හැකි සිදුවීමක් (භෞතික ආචරණයක්) තිබෙන බවය. මෙය හදුන්වනු ලැබුනේ ජී.එම්.ආර් (GMR - Giant Magneto Resistance) හෙවත් යෝධ චුම්බක ප්‍රතිරෝධතාවය ලෙසයි. 

මෙම දෘඩ තැටියක තොරතුරු ගබඩා කරන්නෙ කාන්දම්වල සිදු කරන වෙනස්කම් හෙවත් චුම්භක ක්ෂේත්‍ර වෙනස්කමක් මගිනි. මේ වෙනස්කම් දත්ත කියවන/ලියන හිස මගින් හදුනා ගෙන ඊට අනුරූප විදුලි ධාරාවක් නිපදවයි. එය ඩිජිටල් මාදිලියට පෙරලා ගැනීමෙන් දෘඩ තැටියේ ඇති දත්ත පරිගණකය විසින් හදුනාගනී.

මේ නිසා දෘඩ තැටියෙහි ඇති තොරතුරු කියවීමට පුළුවන්කම ලැබීමේ පළමු කොන්දේසිය වන්නේනේ එහි ඇති චුම්බක වෙනස තොරතුරු කියවන හිසට හදුනාගත හැකි තරම් විශාල විය යුතු බවයි. වැඩි තොරතුරු ප්‍රමාණයක් රඳවා ගැනීමේ හැකියාව තබා ගෙන දෘඩ තැටියක් කුඩා කිරීමට බැරි, එවිට චෘඩ තැටියේ ඇති චුම්බක කොයසේ බලසම්පන්නකම අඩුවීමය. දැන් සංවේදී හිසට එය කියවීමට බැරිය.

වර්ෂ 2007 දී නොබෙල් ත්‍යාගය දිනූ ඇල්බට් ෆර්ට්ගේ සහ පීටර් ග්රුවන්බර්ග්ගේ සොයා ගැනීමේ වැදගත්කම මතුවෙන්නේ මෙතැන දීය. එනම් ජී.එම්.ආර් සිංසිද්ධිය වටින්නේ මෙතැනදීය. ඒ ඉතා පොඩි චුම්බක වෙනසක් නිසාත් හොදට හදුනා ගන්නට පුළුවන් තරම් විශාල විදුලි වෙනස්කමක් ඇති වන විදිහ ජී.එම්.ආර් සංසිද්ධියෙන් විස්තර වන නිසාය.

මේ ජී.එම්.ආර් තාක්ෂණය යොදා ගෙන වැඩි තොරතුරු ප්‍රමාණයක් රැදවිය හැකි, ප්‍රමාණයෙන් කුඩා දෘඩ තැටි 1997 දි වෙළදපොලට ආවේය. එදා පටන් එය අද දක්වාම භාවිතයේ තිබේ. මේ භාවිතයේ වැදගත්කම ගැන නොබෙල් තෑග්ග පිරිනමන ස්වීඩනයේ රාජකීය විද්‍යා ඇකඩමියේ සාමාජිකයෙකු වන බෝර්ජ් ජොහැන්සන් කියන්නේ මෙසේය. ""මේ සොයා ගැනීම නොකරන්නට MP3 මාදිලියේ ගීත හෝ අයිපොඩ් එකක්වත් අද නැහැ. ඒ වගේම මයික්‍රොඩ්‍රයිව්ස් කියා දෙයක් ඇත්තේම නැති වෙන්නට තිබුණා.

අයිපොඩ්වල තිබෙන ප්‍රමාණයෙන් පොඩි හාඩ් ඩ්‍රයිව් එකක ගීත සිය ගණනක් රැදවිය හැක්කේ මෙවැනි සෙන්ස්රයක් එහි තිබෙන නිසාය. එය නොවී සාමාන්‍ය සෙන්ස්රයක් තිබුණොත් අයිපොඩ් එකක රැදවිය හැක්කේ වැඩිම වුණොත් එක ගීතයන් පමණි.

මේ විදිහට ටිකින් ටික ගොඩ නැගුණු දෘඩ තැටියෙහි තාක්ෂණය නිසාවෙන් ලොව තත්ත ගබඩා කර ගබාගැනීමේ ප්‍රධාන මාධ්‍යක් ලෙස මෙය භාවිතයට පත්ව තිබෙනවා. ඔබට පරිගණකයත් තිබෙනවානම් ඔබ ඇත්තෙන්ම දෘඩ තැටියක් දැක තිබෙනවා. නොදැකපු කෙනෙක් නැති තරම්. මෙම දෘඩ තැටිය අපි විවිද වෙනස්කම් සිදු කරමින් භාවිතයට ගන්නවා ඔබේ සිහියට නගා ගන්න, පාර්ටිශන් කිරීම, තොරතුරු ඇතුලත් කිරීම, මකා දැමීම, ෆෝමැට් කිරීම වැනි ගොඩක් දේවල් පහතින් සාකච්චා කර බලමු.

දෘඩ තැටියක් ගතහොත් එය පරිගණකය තුල ක්‍රියාත්මක වීමේදී එහි තොරතුරු ගබඩා වන්නේ කෙසේද වන්න මූලික මාතෘකා කීපයක් යටතේ විස්තර කල හැක. මේ යටතේ අපි මුලින්ම බලමු........

හාඩ් ඩිස්ක් එකක් තොරතුරු ගබඩා කරන හැටි 

හාඩ් ඩිස්කයක මූලිකම කොටස එදි දත්ත ගබඩා කොට තිබෙන තැටියකි. ඩ්‍රයිව් ප්ලැටර්ස් (Drive Platters) කියා හදුන්වන මේ තැටිය මතුපිට කොබෝල්ට් හා ප්ලැටිනම් කණිකා තිබේ. මෙවැනි කණිකා 50-110 අතර ගණනක සිහිටුමෙන් තොරතුරු බිටුවක් (1bit) ගබඩා කෙරේ.. මේ කණිකා නියමිත දිශාවක් ඔස්සේ පිහිටන කාන්දම් පද්ධතියක් බවට පස් වූ විට හෙවත් චුම්බකිත වූ (Magnetized) විට මේවා බිටු "1" හෝ "0" නිරූපණය කරන තැනට හෙවත් ඩිජිටල් මාදිලියට හැරේ. මේ ප්ලැටර්ස් මතින් සමීපව ගමන් කරන කියවීමේ/ලිවීමේ හිස (Read/Write Head) මඟින් ප්ලැටර්ස් මතුපිට චුම්භක රටාව කියවයි. එසේම විධානයක් දුන් විට ඒ හිසෙන්ම මේ චුම්භක රටාව වෙනස් කරයි. හෙවත් අලුත් තොරතුරු ලියයි. ඩ්‍රයිව් එකක්  තුළ ප්ලැටර්ස් එකක් හෝ කීපයක් තිබිය හැකිය. පරිගණකය ක්‍රියාත්මක කළ විට ඩ්‍රයිව්  එකෙහි ඇති ප්ලැටර්ස් ඩ්‍රයිව් එකෙහිම ඇති මොටරයක් මඟින් තප්පරයට රවුම් 60-120ත් අතර වේගයකින් කරකැවේ. එවිට එහා මෙහා යන හිස මඟින් එහි ඇති "තොරතුරු" උකහා ගනී. මෙසේ ප්ලැටරය මත තොරතුරු ගබඩා කොට තිබෙන්නේ ඛණ්ඩක හෙවත් සෙක්ටර්ස් (Sectors) හා මංපෙත් හෙවත් ට්‍රැක්ස් (Tracks) කියා හඳුන්වන පොටස්වලය. දැන් තිබෙන හාඩ් ඩ්‍රයිව් එක තනා තිබෙන්නේ මේ උපාංග සමඟ ඒවා හසුරුවන විද්‍යුත් පරිපතයද දැඩි ලෝහමය ආවරණයන් තුළ අසුරා තැබීමෙනි. ඒ දූවිලි, තෙතමනය යනාදියෙන් ප්ලැටර්ස් බේරා ගන්නටය. තොරතුරු හොදින් කියවා ගැනීම සදහා මේ පැලැටර්ස් මුහුණ බලන කණ්නාඩියක් සේ පෙනෙන තරමට සුයුම්ව උප දමා තිබේ. 

හාඩ් ඩිස්ක් එකක් පාර්ටිෂන් කිරීමේ දී සිදුවන ක්‍රියාවලිය

හාඩ් ඩිස්ක් එකක් භාවිතයට පෙර පාටිෂන් කළ යුතු අතර මෙවිට ඒ එක් පාටිෂන් එක වෙනමම ඩිස්ක් එකක් ලෙස භාවිත කළ හැකි වේ. 

හාඩ් ඩිස්ක් එකක් පාටිෂන් කළ විට ඒ එක් එක් පාර්ටිෂන් එකේ ආරම්භක සෙක්ටරයත් අවසාන සෙක්ටරයත් පිළිබද තොරතුරු පාටිෂන් ටේබල් නම් ස්ථානයේ සටහන් වෙයි. මේ නිසා යම් පාර්ටිෂන් ටේබල් එක කියවා බලා එහි ඇති තොරතුරු අනුව විස්ක් හෙඩ් එක නියම ස්ථානය වෙත ගෙන යනු ලබයි. 

මීට අමතරව පාටිෂන් ටේබල් එක මත ඇති මාස්ටර් බූට් ප්‍රෝග්‍රෑම් එක මගින් පරිගණකය බූට් වන අවස්ථාවේ ඊට අදාළ පාටිෂන් එක වෙත ඩිස්ක් හෙඩ් එක යොමු කරවීමත් කරයි. 

ෆෝමැට් කිරීමේදී සිදුවන ක්‍රියාවලිය

ඕනෑම පාටිෂන් එකක් ෆෝමැට් කිරීමේ දී එම පාටිෂන් එක මූලික කොටස් හතරකට බෙදේ. එනම්, බූට් සෙක්ටර්ස් (Boot Sector), ඩේටා ස්පේස් (Data Space), ෆයිල් අලෝකේෂන් ටේබල් හෙවත් ෆැට් (FAT - File Allocation Table), ඩිරෙක්ටරි ඒරියා (Directory Area) වශයෙනි... 

• බූට් සෙක්ටර්

බූට් සෙක්ටරය තුල වැදගත් තොරතුරු කොටස් දෙකක් තිබේ. ඒවා නම්, බූට් ස්ට්‍රැප් ප්‍රෝග්රෑම් (Boot Strap Program), බූට් පැරා මීටර් (Boot Parametre).

බූට් ස්ට්‍රැප් ප්‍රොග්‍රෑම් එක තිබෙන්නේ ඔපරේටින් සිස්ටම් එකක් ඉන්ස්ටෝල් කර ඇති පාටිෂන් එකක් තුළ පමණි. මෙමගින් ඔපරේටින් සිස්ටම් ලෝඩ් කරවීමේ මූලික ක්‍රියාවලිය අරඹයි. බූට් වයිරස් එකකින් මෙම කොටස ආසාදනය වූ විට ඔපරේටින් සිස්ටම් එක කෝඩ් වනවාත් සමගම වයිරසය ද ක්‍රියාත්මක වේ. 

බූට් පැරාමීටර් කොටස්, අදාළ පාටිෂන් එකේ පිහිමීට පිළිබද සවිස්තර වාර්ථාවක් ඇත. Byte Per Second Perclustor, No of Copies Of FAT, No of Sector for Fat යනා දී වශයෙනි. පාටිෂන් එක තුළ විවිද ස්ථාන හදුනා ගැනීම සදහා බූට් පැරාමීටර් (Boor Parameter) භාවිතා වේ. 

• ඩේටා ස්පේස් 

පාටිෂන් එකේ මුළු ඉඩ ප්‍රමාණයෙන් 99.7% පමණ වූ බහුතර බඩ ප්‍රමාණය ඩේටා ස්පේස් නම් කොටසට අයත් වේ. ෆයිල් සේව් කිරීමේදී ඒවායේ ඇති තොරතුරු සටහන් වන්නේ මෙම තොටසෙහිය. 

පිළිවෙලකට දත්ත සටහන් කොට තැබීම සදහා ඩේටා ස්පේස් එක ක්ලස්ට (Cluster) වලට බෙදා එක් එක් ක්ලස්ට සදහා විශේෂ ඇඩ්‍රස් (Address) එක බැගින් සපයා ඇත. මෙම ඇඩ්‍රස් එක මඟින් ඕනෑම ක්ලස්ටරයක් වෙත නිවැරදි ඩිස්ක් හෙඩ් එක ගොන යාම සහතික කරයි.

• ෆයිල් ඇලෝකේෂන් ටේබල් හෙවත් ෆැට් 

ඩේටා ස්පේස් හි ඇති සෑම ක්ලස්ට එකක්ම ඇඩ්‍රස් එකක් ඊට අදාළ ස්ටේටස් එක හෙවත් තත්වයත් මෙම කොටස තුළ සදහන් වේ. ෆැට් එක කියවීම මඟින් ඩේටා ස්පේස් හි ඇති ඕනෑම ක්ලස්ට එකක්, ෆයිල් සේව් කිරීමට භාවිත කොට තිබේද, නැතිනම් අලුත් ෆයිල් එකක් සේව් කිරීමට භාවිත කළ හැකි ද, එසේත් නැත්නම් ප්‍රයෝජනයට ගත නොහැකි බෑඩ් ස්ලස්ටර් (Bad Clustor) සේ පවතී ද, යන්න බලා ගත හැක.

• ඩිරෙක්ටරි ඒරියා 

පාටිෂන් එක මත සේවා කර ඇති ෆයිල්වල Name, Size, Attributes යනාදී තොරතුරා හා ඩේටා ස්පේස් හි භාවිත කර ඇති පළමු ක්සස්ටරයේ ඇඩ්‍රස් එක යන මේවා ඩිරෙක්ටරි ඒරියා එකේ සටහන් වී තිබේ. (Directory Name) ද මීට අතුලත් වේ. 

ෆයිල් එකක් සේව් කීරීමේ ක්‍රියාවලිය 

යම් කිසි ෆයිල් එකක් සේව් කරන ලෙස පරිගණකයට දැන් වූ විට, ඩිරෙක්ටරි ඒරියා එකේ File Name, Size, Attributes ආදී තොරතුරු ඇතුළත් කරයි. දත්ත ලිවීමට සුදුසු ක්ලස්ටස් එකක් හෙවත් ස්ටේටස් එක 0000 ලෙස ඇති ක්ලස්ටර් එකක් ෆැට් එක මත සොයා බලයි. උදාහරණයක් ලෙස මෙසේ හමු වූ ක්ලස්ටරයේ ඇඩ්‍රස් එක 0003 යැයි සිතමු. ඩිරෙක්ටරි ඒරියා එකේ File Name එකට ඉදිරියෙන් පළමු ක්ලස්ටරය ලෙස 0003 ඇතුළත් කරයි. ඉස්පසු ඩේටා ස්පේස් හි 0003 නම් ක්ලස්ටරය තුළ දත්ත ලිවීම ඇරඹේ. එම ක්ලස්ටර් එක 0000 තත්වයේ ඇති ක්ලස්ටර් එකක් ගැන සොයා බලයි. මෙවිට ලැබෙන ක්ලස්ටර් ඇඩ්‍රස් එක 0005 වූයේ යැයි සිතමු. ෆැට් එක මත 0003 නම් ක්ලස්ටර් ඇඩ්‍රස් එකේ ස්ටේටස් එක 0005 ලෙස සදහන් කරයි. (Next Clustor). ඉන්පසු ඩේටා ස්පේස් හි 0005 වන ක්ලස්ටරයේ දත්ත ලියා අවසන් වි ඇත්නම් ෆැට් එකේ 0005 දරණ ක්ලස්ටර් ඇඩ්‍රස් එකේ ස්ටේටස් එක ffff ලෙස ලියා තබයි. 

දැන් මෙම ෆයිල් එක කියවීමේ දී ඩිරෙක්ටරි ඒරියා එකෙන් File Name එක සොයාගෙන, පළමු ක්ලස්ටර් ඇඩ්‍රස් එක සොයා ගනී. අනතුරුව ෆැට් එක කියවීමේන් අවසානය දක්වා වූ ඉතිරි කලස්ටර් සොයා ගක හැකි නිසා ඩේටා ස්පේස් වෙතින් අවශ්‍ය ක්ලස්ටර්ස් සියල්ල කියවා ගෙන අදාල ෆයිල් වන ලොඩ් කළ හැකි වේ. 

ෆයිල් එකක් මකා දැමීම 

ෆයිල් එකක් ස්තීර ලෙස පරිගණකයෙන් ඉවත් කිරීමේ දී සිදුවන්නේ ඩිරෙක්ටරි ඒරියා එකෙන් අදාළ ෆයිල් එකේ තොරතුරු ඇතුලළත් Record එක මකා දැම්මත්, ෆැට් එක තුළ ඊට අදාළ ක්ලස්ටර් ඇඩුස්වල ස්ටේටස් එක 0000 ලෙස ලිවීමත් ය. 

කෙසේ වෙතත් ඩිරෙක්ටරි ඒරියා හා ෆැට් ආදියෙහි පිටපතක් හෙවත් කොපි කීපයක් සෑම විටම තබා තිබෙන බැවින් "Third Party Tool" එක් භාවිත කොට පැරණි ෆැට් එකක් කිය වීම මඟින් ඩිලීට් කරන ලද ෆයිල්ස් නැවත ලබා ගත හැකිය. 

ක්වික් ෆෝමැට් කිරීම 

මෙහිදී සිදුවනුයේ ඩිරෙක්ටරි ඒරියා එක මත ඇති ෆයිල් හා ෆෝල්ඩර් ආදියේ නම් සියල්ලම මකා දැම්මත්, ෆැට් එක මත ඇති සියලුම ක්ලස්ටර් ඇඩ්‍රස්වල ස්ටේටස් එක 0000 කිරීමත්ය. (සරලව කියතොත් පාටිෂන් එක මත පිහිටි ෆයිල්ස් හා ෆෝල්ඩර්ස් සියල්ලම ඩිලීට් කිරීමයි)

ෆුල් ෆෝමැට් කිරීම 

මෙහි දී පාටිෂන් එකේ ඇති බූට් සෙක්ටර්,ඩේටා ස්පේස්, ෆැට් හා ඩිරෙක්ටර් ඒරියා යන මේවා අලුතින් පිහිටුවා, ඒවා අතර ඇති සම්බන්ධකම් අළුතින්ම ගොඩ නඟයි. ඩේටා ස්පේස් කොටස නැවත සකස් කොට ඇඩ්‍රස් කිරීමත් ෆැට් එක අලුතින් නිර්මාණය කිරීමත් සිදු වේ. 

බෑඩ් සෙක්ටර්ස් ලකුණු කිරීම 

බෑඩ් සෙක්ටර් හෝ බෑඩ් ක්ලස්ටර් ලෙස හැදින්වෙන්නේ නිසිපරිදි ධත්ත ලියා තැබිය නොහැකි එනම් දෝෂ සහිත වූ කලස්ටරයන්ය. ස්කෑන් ඩිස්ක් වැනි ටූල් එකකදී සිදුවන්නේ ඩේඩා ස්පේස් කොටස් ඇති සෑම ක්ලස්ටර් එකකම සංකීර්ණ ඩේටා පේලියක් ලියා ඒවා ඒවා නැවත කිවා බැලීමයි. ලියන ලද ඩේටා හා කියවූ විට ලැබුණු ඩේටා වෙනස් වූයේ නම් එම ක්ලස්ටර් එක බෑට් කලස්ටරයක් ලෙස හඳුනා ගැනෙන අතර ෆැට් එක මත අදාළ ක්ලස්ටර් ඇඩ්‍රස් එකේ ස්ටේටස් එක FFF7 ලෙස සලකුණු කරයි. මෙවිට ෆයිල් සේව් කරන අවස්තාවලදී මෙම බෑඩ් ක්ලස්ටර්ස් පාවිච්චි කිරීමෙන් වලක්වා ගත හැක. 

බෑඩ් සෙක්ටර් ඉවත් කිර දෙන සමහර "Third Party Tools" වලින් සිදු කෙරෙනුයේ ෆැට් එක මත ඇති FFF7 නම් බෑඩ් මාක් එක ඉවත් කර 0000 ලෙස සකස් කිරීමයි. මෙවිට බෑඩ් සෙක්ටර් මාර්ක් (Bad Sector Mark) එක ෆැට් එකෙන් ඉවත් වුවත් අදාළ ක්ලස්ටර් එකෙහි ලියන ලද දත්ත නිසා පරිදි සේව් වන්නේ නැති බැවින්, හාඩ් ඩිස්ක් එක භාවිත කරන්නා කරදරයකට පත් විය හැක. 

ෆයිල් හිඩ්න් කිරීම 

ෆයිල් හා ෆෝල්ඩර්ස්වල Attributes ලෙස සළකුනු ලබන Hidden, Read Only යන කරුණු ලියා තබන්නේ ඩිරෙක්ටරි ඒරියා එක තුළයි. යම් ෆයිල් එකක් හිඩින් ඛල විට ඒ බව ඩිරෙක්ටරි ඒරියා එකේ අදාළ File Name එකට ඉදිරියෙන් සඳහන් කොට තබන අතර File List එක පෙන්වන අවස්ථාවලදී සැඟවූ ෆයිලිස් කියවීම අතහැර යයි. මීට අමතරව ෆැට් හා ඩේටා ස්පේස්වල ඒ ආකාරයටම  දත්ත පවතී.

Read More

CorelDRAW Graphics Suite X6 - නවතම සංස්කරණය

අප අතර සිටින බොහොමයක් පිරිසක් ග්‍රැෆික් නිර්මාණකරණයට මහත් උනන්දුවක් දක්වනවා. එදි නෙදා භාවිතයේ නිර්මාණය කරගැනීමටඅවශ්‍ය වන දෑ තමාගෙ මහන්සියෙන් නිර්මාණය කරීමට ඔවුන් පෙළබීම පැසසුම් සහගතයි. මන්ද මෙම ක්ෂේත්‍රය මීට පෙර කුඩා පිරිසකටසීමා වී තිබුණි. මෙහි තිබූ වටිනාකම නිසාවෙන්, අප අතර සිටින බොහෝ පිරිසක් මේ හා සම්බන්ධ විවිධ පාඨමාලාවන් හදාරා මේ පිළිබදවදැනුමක් ලැබාගැනීමට මහත් උනන්දුවක් දැක්වූවෙමි. මේ නිසාවෙන් ඔවුන් රැකියා අවස්ථාවන්ද උදාකරගෙන තිබේ. නිර්මාණකරණසිදුකීමට නම්, ඉවසීම අනිවාර්ය වේ, ඒ වගේම සහජයෙන් පැමැණි දක්ෂතාවයක් තිබිය යුතුයි. මූලික ක්‍රියාපිළිවෙත හදුනන පුද්ගලයෙන්නිර්මාණය කරුවෙක් යටතට වර්ග කල නොහැකි. ඔහුට හොද දැක්මක් තිබිය යුතිමයි. තවත් කෙනෙකුගේ සිත් ඇතගන්නා සුළුනිර්මාණයක් කරලීමට ඔහුට හැකි නම් ඔහු නිර්මාණ කරුවෙකි. මේ ක්ෂේත්‍රයේ නියැලීමට නම් පළපුරුද්ද අනිවාරය වේ. ඔබ සතු හැකියාවභාවිත කරමින් නව නිර්මාණ කිරීමට ඔබ නියැලෙන්නේ නම් ඔබට ලැබෙන අත්දැකීම ප්‍රමාණය මහත් ඉහළයි. ඉදිරියට ගමන් කිරීමට ඒඅත්දැකීම් රුකුලක් වනවා නොඅනුමානයි. අපි අද බලමු මෙම ග්‍රැෆික් ක්ෂේත්‍රෙය් නියැලෙන අයෙකුට නැතිව බැරි මෘදුකාංගක්සම්බන්ධයෙන්. මෙය ඇත්තටම ඔබ අප කවුරුත් හදුනන මෘදුකාංගයක නව සංස්කරණයකි. මාතෘකාව බලාගන්න :D

ග්‍රැෆික් නිර්මාණ කරණයේදී CorelDRAW හට හදුන්වන්නේ වෙක්ටර් රූප නිර්මාණ කරණයේ ප්‍රමුඛයා ලෙසටයි. මෙම CorelDRAWගැෆික් මෘදුකාංගයෙහි කට්ටලයෙහි නමතම සංස්කරණය CorelDRAW Graphics Suite X6 පසුගිය එළි දැක්වුණි. මෙම අලුත් සංස්කරණයපෙර පැවති සංස්කරනයන්ට සාපේක්ෂව නව වෙනස් කම් රාශියක් ඇතුළත් කරමින් පෙරට වභා බලසම්පන්න කර, පරිශීලකයාගේ පහසුවඋදෙසා කැප වී ක්‍රියාකර ඇත. CorelDRAW මෘදුකාංගය වෙක්ටර් ග්‍රැෆික් නිර්මාණ කරණයේ සිට පිටු සැකසුම් ක්‍රියාවලි දක්වා බලසම්පන්න කර තිබේ. මේ නිසාවෙන් සඟරා, පත්‍රිකා, අක්ෂර නිර්මාණ ආදී සියලුම ක්‍රියාවලි සදහා මෙම නව සංස්කරණය බොහෙවින්මඔබට උපකාර කරයි.

Read More

මයික්‍රොසොෆ්ට් සෝෂල් නෙට්වර්කිං සේවය - සිසුන් සදහා සුවිශේෂයි

මයික්‍රොසොෆ්ට් සමාගම විසින් තම සොසල් නෙට්වර්කිං සේවයක් එළි දක්වන්නට සැරසෙන බව මීට පෙර විටින් විට වාර්තා වී තිබුණි. මේඅනුව ඔවුන් විසින් පසුගිය දවසක එළි දක්වනට යෙදුණු නව සොසල් නෙට්වර්කිං සේවය (Www.so.cl) ලෙස ලෝකයාට ඉරිදිපත් කෙරුණි.මෙම සොසල් සෙන්වර්කිං සේවය දැනට පවතින අනෙකුත් සොසල් නෙට්වර්කිං සර්විසස් වලට හාත්පසින්ම වෙනස් අරමුණක් පෙරදැරිකරගෙන අලුත් විදිහටකට නිර්මාණය කරලීමට මෙහි පාලක මඩුල්ල ක්‍රියා කර තිබේ. ෆේස්භුක්, ගූගග් +,ට්විටර්, ටම්බ්ලර් හෝ ලින්ක්ඩ්ඉන්සේවයන්ට වඩා වෙනස් ආකරයට නිර්මාණය කර තිබීම විශේෂයි. මෙය නිර්මාණය කර තිබෙන්නේ අනෙකුත් සෝෂල් නෙට්වර්කිංසේවයං සමඟ තරඟ කිරීමේ බලාපොරොත්තුවෙන් නොවේ. ලෝකය පුරා පැතිර තිබෙන ෆේස්භුක් සෝෂල් නෙට්වර්කිං සේවයටඅභියෝග කරන්නට තරම් මයික්‍රොසොෆ්ට් සේවයට අවශ්‍යතාවයක් නොමැති. සියලුම සොසල් නෙට්වර්කිං සර්විසස් සමඟ සුහදව මෙහික්‍රියාකාරීත්වය ගොඩ නගා ගැනීම ඔවුන්ගේ පරමාර්ථයයි. 

මයික්‍රොසොෆ්ට් සමාගමේ සෝෂල් නෙට්වර්කිං සර්විසස් එක සම්බන්ධයෙන් ඔවුන් පවසන ආකාරයට, අනෙකුත් සෝෂල් නෙට්වර්ක්සමඟ එකිනෙකට ඈදා සකසා තිබෙන අලුත් සේවයක් ලෙසටයි. මෙයි විශේෂ නැතක් හිමිවන්නේ සිසුන් සදහායි. සිසුන්ගේ අධ්‍යාපනකටයුතු සහයෝගයෙන් කරගැනීමට මෙම සෝෂල් නෙට්වර්කිං එක පහසුකම් සලසා දී තිබේ. මේ සදහා වින්ඩෝස් ලයිව් අකවුන්ට් එකින්හෝ ෆේස්භුක් අකවුන්ට් එකකින් පිවිසීමේ අවස්ථාවත් ලබාදී තිබේ. 

මුලින්ම www.so.cl වෙත පිවිසෙන්න. ඔබගේ ෆේස්භුක් අකවුන්ට් එක මාර්ගයෙන් හෝ වින්ඩෝස් ලයිව් අකවුන්ට් එක මාර්ගයෙන් මෙහිසමාජිකත්වය ලබාගන්න. වෙබ් අඩවියට පිවිසීමෙන් අනතුරුව එහි උඩු කෙළවරේ දකුණු පැත්තෙහි තිබෙන බට්න් එක උපයෝගී කරගිමින්එක සිදු කිරීමට පුළුවන. 

Read More

Google Plus සොෂල් නෙට්වර්කිං සේවය - වදයක් නොවී මිතුරන් වෙන්න

අප අතර සිටින බොහෝ දෙනෙක් අන්තර්ජාල සම්බන්ධතාවය හරහා ඔවුන් කරන්නේ විවිධ සොසල් නෙට්වර්කිං වෙබ් අඩවි තුළට පිවිස මිතුරු හවුල් ඇති කරගැනීමයි. අන්තර්ජාලය භාවිත කරන සෑම පුද්ගයෙකුව දැනට පවතින එක් සෝෂල් නෙට්වර්කිං වෙබ් අඩවියක හෝ සාමාජිකත්වය ලබාගෙන සිටිනු නොඅනුමානයි. සොසල් නෙට්වර්කිං වෙබ් අඩවි හරහා ගොඩ නගන මිතුර හවුල විවිධා කාර වේ. මෙම ශේෂල් නෙට්වර්කිං වෙබ් අඩවි අතුරින් වඩාත් ජනප්‍රියත්වයක් උසුලා සිටින්නේ ෆේස්භුක් සමාජජාල වෙබ් අඩයියයි. ඉන් පසුව මෑත කාලයේ ලොව විශාලතම සමාගමක් මෙම මිතුර හවුලට පය තැබුයේය. ඒ අනුව ඔවුන් විසින් ඔවුන්ගේම සෝෂල් නෙට්වර්කිං සේවයක් ලෝකයාට ඉදිරිපත් කරන ලදි. මේ ගැන තොරතුරු ඔබ හරිහැටි නොදනින් බවත්, එහි වටිනාකම හරිහැටි හදුනන්නෙ නැති බවත් පැහැදිලියි. මෙහි ගොඩනැගීමේ සිට Google Plus සම්පූර්ණ විස්තරයක් මේ යටතේ සාකච්ඡා කරමු.

මෙම සෝෂල් නෙට්වර්කිං සේවට ප්‍රථමයෙන් තිබුණේ අන්තර්ජාලය හරහා තමන් කවුදැයි හදුන්වා දීය හැකි වෙබ් අඩවි විශේෂයි. ඒවා හැදින්වනු ලැබුණේ (Identity Service) ලෙසටයි. සිංහලෙන් (අන්තර්ජාල අනන්‍යතා සේවා) ලෙසට නම් කළ හැකියි. මෙම සේවා ලබාදෙනු ලැබුණේ ලින්ක්ඩින් (linkedin.com), බෙබෝ (bebo.com), සින්ග් (zing.com) යනාදී ඒවාය. මින් පසුව අන්කර්ජාලය හරහා මිතුරු හවුල් ඇති කරගත හැකි සෝෂල් නෙට්වර්කිං වෙබ් අඩවි සම්ප්‍රදාය ලෝකය අතර ප්‍රචලිත විය. දැනට ලොව ප්‍රබල සෝෂල් නෙට්වර්කිං වෙබ් අඩවිය වන්නේ ෆේස්භුක් (facebook.com) ය. මින් පසුව ට්විටර් (twitter.com), මයිස්පේස් (myspace.com) යනාදී වෙබ් අඩවි හදුන්වා දිය හැකියි. නොබෝදා මේ අතර මයික්‍රොසොෆ්ට් සමාගෙමේ සොසල් නෙට්වර්කිං වෙබ් අඩවියද එකතු වුණි. මෙම සේවාවන් වත්මන් සමාජයේ බොහෝ දෙනෙකුගේ භාවිතයේ ඇති සේවාවක් වේ. ලංකීය සමාජයේදී මෙම මිතුර හවුල් සේවා බොහෝ ජනප්‍රියයි. මෙම සොසල් නෙට්වර්කිං වෙබ් අඩවියක පෙර පැවති අයිඩෙන්ටිටි සේවා වලින් සැපයෙන පහසුකම් සහ එහි වැඩි දියුණු කිරීමක් ඉදිරිපත් කර තිබේ.

ගූගල් සමාගමේ සෝෂල් නෙට්වර්කිං සේවා

ගූගග් සමාගම ප්‍රතාම වතාවට සොසල් නෙට්වංකිං සේවය වෙත පියනැගුවේ Google Plus හරහා නොවෙයි. ඔබ සිතාගෙන සිටියේ එසේද? හ්ම්.. ගූගල් සමාගමේ පළමු සොසල් නෙට්වර්කිං සේවය ආරම්භ කරන ලද්දේ 2004 ජනවාරි මාස 24 වැනි දිනය. මෙම සේවය ඔවුන් විසින් ක්‍රියාත්මක කළත්. මෙය දැනට ක්‍රියාත්මක වන්නේ බ්‍රසීලයේදී පමණි. මින් අනතුරුව ගූගල් සමාගම 2008 මැයි 12 දින Friend Connect ලෙස නැවතත් සොසල් නෙට්වර්කිං සේවයක් ආරම්භ කරල ලදි. එහෙත් එයද අසාර්ථක ප්‍රයත්නයක් වුණි. ඉන් අනතුරුව මෙම වර්ෂයේ මාර්තු මසදී එහි ක්‍රියාකාරීත්වය අවසන් කර දැමුයේය. Friend Connect අසාර්ථක වීමෙන් අනතුරුව ගූගල් සමාගම විසින් බස් (Buzz) ලෙස නවතම ශේෂල් නෙට්වර්කිං සේවයක් දියත් කෙරුණි. එය ආර්ම්භ කරන ලද්දේ 2010 පෙබරවාරී 09 වැනිදාය. එහෙත් එයත් ඔවුන් විසින් දියත් කෙරුණු අසාර්ථක ප්‍රයත්නයක් විය. එම නිසාවෙන් 2011 දෙසැම්බර් 15 දින එය නවතා දැමීමට ඔහුන් තීරණය කළේය.

මේ ආකරයට ගූගල් සමාගම විසින් විටින් විට සෝෂල් නෙට්වර්කිං සේවයක් ඉදිරිපත් කරනු ලැබුවත් ඒ සියල්ල ආසාර්ථක විය. ඒ අනුව ගූගල් සමාගම යටතේ ඔවුන්ගේ අසාර්ථක්වයට හේතු දීර්ඝ කාලයක් තුළ හැදැරීමෙන් අනතුරුව ගූගල් ප්ලස් සොසල් නෙට්වෝකිං සේවය ඉදිරිපත් කළේය. මීට පෙර ඔවුන් තුළ පැවති වැරදි නිවැරදි කර ගනිමින් මෙම සේවය දියත් කර ඇත.

ගූගල් සමාගම මීට පෙර ඉදිරිපත් කෙරුණු සොසල් නෙට්වර්කං සේවයන් නිර්මාණය කිරීමට සුළු පිරිසක් යොදාගත් අතර ඒ සදහා අඩු මුදලක්ද වැය කළේය. එය වැරැද්දක් යැයි සිතූ ගූගල් සමාගම ගූගල් ප්ලස් නිර්මාණය කරලීමේදී ඇමරිකානු ඩොලර් මිලියන 585 හෙවත් කිට්ටු වශයෙන් රුපියල් කෝටි 6000ක් පමණය. බැලූ බැල්මට මෙච්චර ධනස්කන්ධයක් මේ සදහා වියදම් කළාද කියලත් ඔබට සිතේවී. මේ සදහා තාක්ෂණික ශීල්පීන් 500ක් පමණ Plaxo.com ඔන්ලයින් සොසල් නෙට්වර්කිං සේවයෙන් ගෙන්වා ගෙන ඔවුන් යටතේ මෙය නිර්මාණ කරවූවකි.

මීට පෙර ගූගල් සමාගම විසින් විවිධ වූ සොසල් නෙට්වර්කිං ගොඩ නැගුවත් ඔවුන් එය ඉදිරිපත් කරනු ලැබුයේ ගූගල් සර්චි හි තිබෙන තවත් අකුරු සේවාවක් ලෙසටයි. එහෙත් මෙවර ගූගල් ප්ලස් ඉදිරිපත් කරනු ලැබුයේ ගූගල් සමාගමේ සේවාවන් එක්තැන් තරමින් අගනා නිර්මාණයක් ලෙසටයි. ඒ නිසාවෙන් ගූගල් වෙත ඇදන සැවොම ගූගල් ප්ලස් හා එක්කාසූ වීම සිදුවේ. ඒ වගේම Gmail සේවය සදහා ලියාපදිංචි වන විට Google Plus ගිණුමක්ද Create කර දීමට ඔවුන් සැකසුම් සකස් කර දීම නිසා Google Plus වෙල ඇදෙන පිරිස බොහෝ සෙයින් වැඩිවන්නට ඇති.

මේ ආකරයෙන් ගොඩ නැගුණු Google Plus අද වන විට අන්තර්ජාලය තුළ වැඩියෙන්ම සෙනඟ රොද බදින සේවාවක් වේ. මෙම සේවාව අරම්භ කල කල්හි දිනපතා ගූගල් ප්ලස් වෙත අලුතින් එකතු වූ සෙනඟ, හයලක්ෂ විසිපන් දහසකි. ගූගල් ප්ලස් ආරම්භ කළ 2011 ජූනි 28 වැනිදා සිට ගෙවී ගිය හය මස තුළ - එනම් 2011 දෙසැම්බර් මස තෙක් කාලය තුළ - ගූගල් ප්ලස් සේවය වෙත එක්වූ මුළු සෙනඟ, හයකෝටි විසිලක්ෂයක් හෙවත් මිලියන 62 කි. මේ අනුව පෙබරවාරී මස වන විට ගූගල් ප්ලස් සාමාජික සංඛ්‍යාව කෝටි 10ක් හෙවත් මිලියන 100කි. මේ අනුව වර්ෂ 2013 ආවසන් වෙනු ඇත්තේ ගූගල් ප්ලස් හි සාමාජිකයක් කෝටි 40ක් හෙවත් මිලියන 400ක් වෙතැයි ගූගල් සමාගම ගන්න බලා තිබේ. අද ලොව ජනප්‍රියතම ෆේස්භුක් සෝෂල් නෙට්වර්කිං එකෙහිද සාමාජික සංඛ්‍යාව මිලියන 800කි. මේ අනුව ගූගල් ප්ලස් Facebook සඳහා දැවැන්ත අභියෝගයක් වේවි.

ලොව ප්‍රබලම සමාජ ජාල වෙබ් අඩවිය සහ ගුගල් ප්ලස් එකි නෙක වෙනස්කම් රාශියක් පවතී. ගූගල් ප්ලස් වලදී මිතුරු මිතුරියන් විවිධ මාතෘකා ඔස්සෙ බෙදා වෙන් කරන්නට පුළුවනි. ඒ සදහා ප්ලස් සර්කල් (+ Circle) නම් පහසුකම් ලබා ගැනීමය. මිතුරන් අදාලා මාතෘකා වලට ඩ්‍රැග් කිරීම මගින් ඔවුන් බෙදා වෙන් කරගත හැකිය.

අන්තර්ජාල තුළ හමුවන වැදගත් තොරතුරු ඔබගේ මිතුරු, මිතුරින් සමඟ හුවමාරු කරගැනීමට කැමති දෑ බොහෝය. එහෙත් අනෙකුත් වැඩ නිසා ඒවා Share කරන්නට වෙලාව මදිය. ප්ලස් ස්පාක් (+ Spark) ඊට උදවු කරයි. ගූගල් සර්ච් එන්ජින් එකෙන් සොයගන්නා වටිනා තොරතුරු ටැග් කොට තබා පසුව Share කරන්නටත් (+ Spark) හරහා පුළුවන.

ගූගල් ප්ලස් සේවය විසින් මිතුන් සමඟ චැට් කිරීමට අවස්ථාව ලබාදී තිබෙනවා. එය හදුන්වනු ලබන්නේ (+ Hangout) ලෙසටයි. බොහෝ දෙනෙක් කැමති විශේෂාංගයක් තමයි සෝෂල් නෙට්වර්කිං සේවකට තම තොරතුරු හුවමාරු කරගැනීමට ගොඩනගන ළඳ කතා බහ.

ගූගල් + මුහුණු පොතට සාපේක්ෂව පහසුකම් රාශියක් ලබාදී තිබෙනවා. මේ අතර ජංගම දුරකථන සදහා මෙම සෝෂල් නෙට්වර්කං සේවය හරිහැටි ක්‍රියාත්මක කරදීම සදහා ඔවුන් සහල ලබාදෙයි. මෙය හදුන්වන්නේ Mobile + ලෙසටයි. කැමරාව, මැසේජ් යැවීම, ජී.පී.එස් පහසුකම මේ තුන් ආකාරයට ඔබට හිමිවෙනවා. ජංගම දුරකථනයෙහි කැමරාව මගින් ලබාගන්න පිංතූරයක් සමඟ ඔබ ඉන්න තැන අඩංගු වන සිතියමක්ද යැවීමට පුළුවන. එය හදුන්වන්නේ Location + ලෙසටයි. ඔබගේ කැමරා ෆෝන් එක ආධාරයෙන් පිංතූර එවෙලේම ගූගල් + වෙත Upload කිරීමේ පහසුකමත් හිමි කර දී තිබෙනවා. එය හදුන්වන්නේ Instant Upload ලෙසටයි. 

ප්ලස් හඩ්ල් + Haddle නම් ගූගල් + හි තිබෙන තවත් එක් පහසුකමකි. මේ හරහා එකවර මිතුර මිතුරින් ගණනාවකට මැසේජ් යැවීමට පුළුවන. මෙය ජංගම දුරකථනය හරහා උවත් සිදු කල හැකියි. මැසේජ් එක ටයිප් කර, ගූගල් + හි සිටින මිතුර මිතුරන් එයට අළලා එකවර ඒ සැමට මැසේජ් යැවීමට පුළුවන. 

මේ ආකාරය නව ආරක පහසුකම් හදුන්වා දෙමින් ගූගල් + සේවය අපට ලබාදෙන්නේ ලොව ජනප්‍රියතම සර්ච් එන්ජිමෙහි හිමිකාර සමාගමයි. ගූගල් සර්ච් ලොව ජනප්‍රියතම සර්ච් එන්ජිම උවත් සොසල් නෙට්වර්කිං ක්ෂේත්‍ර‍යේ විශාල අදායමක් හිමි කර ගන්නේ වෙනත් සාමාගම් විසිනි. ඒ නිසාවෙන් ගූගල් සමාගම මෙයට මහත් නැබුරුතාවයක් දැක්වූහ. ඔවුන් පෙර ඉදිරිපත් කරවූ සොසල් නෙට්වර්කිං සේවා බිද වැටීමත් නිසා ගූගල් සමාගම විශාල පිම්මක් පැනීමට සැරසේ. සොසල් නෙට්වර්කිං ක්ෂේත්‍රෙය් අධිරාජ්‍යා වන ෆේස්භුක් සමාජ ජාල අඩවියට මෙය ලොකු අභියෝගයක්. ඒ නිසාවෙන් ගූගල් + අරම්භ වූ කල්හි. ගූගල් + හි තුබූ විශේෂාංග බොහොමටක් ෆේස්භුක් වෙතටත් යොමු කිරීමට මුහුණු පොතෙහි නිර්මාණ ශිල්පීන් ක්‍රියා කළේය.

මේ ආකාරයට සොසල් නෙට්වර්කිං සේවට ලොව ප්‍රබලයෙක් එක්වී ඇත. තරග කාරී ලෝකේ පසුකර යාමට සැවොම උත්සහ කරති. එහෙත් හැමට එය සිදු කල නොහැකිය. අනාගතේ ෆේස්භුක් බලකොටුව බිදෙන්නටත් පුළුවන. කෙසේ වෙතත් අපි සැමෝම බලා සිටිමු. ලිපිය කියවූ සැමට මාගේ ස්තූතිය. ගිහින් එන්නම්. සුබ දවසක්. ජය වේවා !

Read More